EJUP GANIC NUK EKSTRADOHET
Ekstradimi i Ejub Ganic, ish-president i Bosnjës e Hercegovinës u bllokua. Një Gjykatë e Londrës hudhi posht kërkësën e Serbisë për ekstradimin e tij nga Britania e Madhe.Ejub Ganic u arrestua më 1 mars në aeroportin e Heathrow. Arrestimi u bë pas kërkesës së Serbisë..Ish-presidenti i Bosnjës dhe Hercegovinës dhe 18 persona tjerë akuzoheshin për komplot për vrasje të 42 ushtarëv në fillim të luftës në Bosnjë, në shkelje të Konventës së Gjenevës.
Gjykata e Westminsterit në Londër ku u mbajt dëgjimi për ekstradim bllokoi kërkesën e Serbisë duke thënë se procesi ishte i motivuar politikisht.
“Ky proces është nisur dhe po përdoret për qëllime politike dhe si i tillë paraqet keqpërdorim të procesit të kësaj gjykate”.
Dr Ganic u arrestua pas një vizite akademike në Britani të Madhe.
Dy hetime të mëparshme kundër Dr Ganiqit kishin konkluduar se nuk kishte rast kundër tij. I pari pranë Tribunalit të Hagës ndërsa hetimi i dytë në Bosnjë e Hercegovinë kishte konkluduar se rasti kundër tij ishte i motivuar politikisht.
Duke iu referuar këtyre dy hetimeve, gjykatësi tha se evidenca e mëpasshme nuk ishte e mjaftueshme dhe nuk arsyeton asnjë ndryshim në vendimin inicial.
posted by Euro-Korrespondent @ 12:11 AM
<< Home